બ્રિટનમાં કોરોના નો નવો પ્રકાર આઉટ ઓફ કંટ્રોલ, જાણો ભારતમાં તે પ્રવેશ્યો કે નહી

• કોરોના વાયરસમાં મોટા પ્રમાણમાં નોંધાયેલા પરિવર્તનનો અભ્યાસ કરનારા વૈજ્ઞાનિકો મને છે કે આ પરિવર્તનની અસરો ની વાત કરીએ તો તે હજી પૂરી માહિતી નથી.બ્રિટનમાં કોરોના ના આ નવા પ્રકારના ઘણા કેસ મળી આવ્યા છે, બ્રિટનમાં અહેવાલ આપેલ પરિવર્તનો પર અગ્રીની નિષ્ણાતો જે કહે છે તેના સાર અહીં જાણી શકાય છે.
• લીસેસ્ટર યુનીવર્સીટીના ક્લિનિકલ વાઈરોલોજિસ્ટ ડો.જુલીયન તાંગ કહે છે કે તે વાયરસ માટે ખૂબ સામાન્ય છે. જેમ કે ઇન્ફલ્યુએન્ઝા - જ્યાં વિવિધ વાયરસ એક જ વ્યક્તિને સંક્રમિત કરી શકે છે, જેના કારણે એક હાયબ્રીડ વાયરસ બહાર આવે છે.
• ભારત સહીત ઘણા દેશોએ કેટલાક દિવસો માટે યુકેની ફ્લાઈટ સ્થગિત કરી છે. આ એઈમ્સના ડીરેક્ટર રણદીપ ગુલેરીયાએ આ વાયરસ અંગે વાત કરી હત. વાતચીત દરમિયાન તેમણે કહ્યું કે બ્રિટને કોરોના વાયરસનું નવું પરિવર્તન જોયું છે.
• તેઓએ જોયું છે કે કોરોનાનું આ નવું પરિવર્તન જે લંડન અને દક્ષિણ બ્રિટનમાં જોવા મળ્યું છે, તેઓએ નિરીક્ષણ કર્યું છે કે જ્યાં પણ આ પરિવર્તન થયું છે ત્યાં કોરોનાના કેસો ઝડપથી વધી ગયા છે.
• દર્દીઓની ગંભીરતામાં કોઈ વધારો થયો નથી, તેથી આપણે ધ્યાનમાં રાખવું જોઈએ કે જો આ વાયરસ એક વ્યક્તિથી બીજા વ્યક્તિમાં વધુ ઝડપથી ફેલાય છે, તો જ્યાં પણ જાય છે ત્યાં કોરોના કેસ વધી શકે છે. તેથી તે મહત્વનું છે કે અમે તેને અન્ય દેશોમાં ફેલાવા ન દઈએ, તેથી જ ઘણા દેશોએ તેમની યુકેની ફ્લાઈટ બંધ કરી દીધી છે અને ત્યાંથી આવતા તમામ લોકોની દેખરેખ અને પરીક્ષણ શરૂ કરી દીધું છે.
• ડો. ગુલેરીયાએ કહ્યું કે ભારતમાં હજી સુધી આવો કોઈ કેસ સામે આવ્યો નથી. પરંતુ હવે જે કેસો સામે આવી રહ્યા છે તેની ચકાસણી ખૂબ જ મહત્વપૂર્ણ છે કારણ કે અત્યાર સુધી અમે ફક્ત તપાસ કરી રહ્યા હતા કે કોઈ પોઝીટીવ છે કે નહીં. હવે અમારે વાયરસનો પ્રકાર બદલાય છે કે કેમ તે પણ જોવું પડશે.