કડવી પણ ઔષધ - દર રોજ સવારે એક ચમચી પલાળેલી મેથીના દાણા ખાવાથી થાય છે અનેક ફાયદાઓ

 સાહીન મુલતાની-

• મેથીના દાનનું સેવન શરીરને તંદુરસ્ત બનાવે છે 
• મેથી ખાવાથી શરીરમાં વાયુનું પ્રમાણ નહીવત રહે છે
• ગેસ, અપચો અને પેટના દુખાવા માટે મેથી રાહતનું કામ કરે છે
• મેથીને પલાળીને રોજ તેનું સેવન કરવાથી અનેક રોગોમાંથી મુક્તિ મળે છે 
• સુગરના દર્દીઓ માટે મેથી રામબાણ ઈલાજ છે

અનેક ઔષધી સમાન મરી મસાલા આમ તો શિયાળામાં ફાયદા કારક હોય જ છે પરંતુ તેમાં કેટલીક વસ્તુઓં તો જીવન ભર તમને ફાયદો કરાવે છે અને તેમાંથી એક છે સૂકી મેથીના દાણા રાત્રે પાણીમાં સામાન્ય રીતે આપણે દલ, કઢી કે અનેક શાકના વધારવામાં સૂકી મેથી નાખતા હોઈએ છે કારણ કે મેથીથી ગેસ થતો નથી, કેટલીક વાયુ કરતી વસ્તુઓને બનાવતા વખતે મેથીનો ખાસ ઉપયોગ થાય છે તેનું આ એક મોટું કારણ છે કે મેથી થી શરીરમાં ગેસ થતો નથી, પેટમાં દુખાવો નથી થતો, આ સાથે જ કેટલાક ગુણો હોય છે મેથીમાં જે આજે આપણે જાણીશું.

 

મેથી ખાવાથી થતા ફાયદાઓ 

• મેથીમાં વિટામીન તથા ઘાત્વિક પદાર્થ અને પ્રોટીનની માત્રા ખુબ વધુ જોવા મળે છે, જો કે તેની કડવાશ દરેકને પસંદ નથી હોતી આ કડવાશ જમવાનો સ્વાદ જે રીતે વધારે છે, તેજ રીતે તેનું સેવન શરીરના ફાયદાને  વધારે છે.
• મેથીમાં રહેલી કડવાશ તેમા રહેલા પદાર્થ ' ગ્લાઇકોસાઇડ ' ને કારણે હોય છે. મેથીમાં ફોસ્ફેટ, લેસીથીન, વિટામીન ડી અને લોહ અયસ્ક તત્વો હોય છે, જે તમારા સ્વાસ્થ્યને તંદુરસ્ત રાખે છે.
• મેથી ખાવાથી શરીર અંદરથી પણ તંદુરસ્ત રહે છે, અને બાહ્ય દેખાવમાં પણ ચમક અને સુંદરતા આપે છે.
• જો વાટેલા મેથીના દાણાને સ્કીન પર લગાવવામાં આવે તો ત્વચા સુંદર અને મુલાયમ બનાવે  છે.
• આ સાથે જ મેથીના દાણાને પલાળીને વાળમાં લગાવીને ૨ કલાક પછી વાળ ધોવાથી વાળ મુલાયમ બને છે અને માથામાં ખોળ થતો અટકાવે છે.
• આ સાથે જ મેથીના દાણાને પાવડરને વાગ્યા પર લાગવાથી પણ રાહત થાય છે.
• આ સાથે જ જયારે સ્ત્રી સુવાડી હોય છે ત્યારે તેના ખોરાકમાં મોટે ભાગે મેથીનો ઉપયોગ કરવામાં આવે છે જેથી શરીરમાં ગરમાટો રહે છે અને બાળક પણ તંદુરસ્ત રહે છે. 
• શિયાળામાં લોકો મેથીપાક બનાવીને પણ ખાતા હોય છે જેથી શરીરમાં તંદુરસ્તી અને તાજગી રહે છે.
• મેથીમાં પાચક એજાઈમ છે, જે અગ્રાશયને વધુ ક્રિયાશીલ બનાવી દે છે. જેના કારણે પાચન ક્રિયા પણ સરળ અને સારી છે.
• મેથી ગેસ્ટ્રીક અલ્સરના ઇલાજમાં પણ ઉપયોગી છે.
• મેથીના સ્ટેરોએડયુક્ત સૈપોનીન અને લસદાર રેશા રક્તમાં શર્કરાને ઓછી કરી નાખે છે. તેથી મેથીનું સેવન ડાયાબીટીશના રોગીઓ માટે ખાસ ફાયદાકારક છે.